కండలవీరుడి మతి చెడింది! మనసు మరలి..కొత్త మగువవైపు తొంగి చూస్తోంది. మాధురీదీక్షిత్‌, ఐశ్వర్యరాయ్‌, కత్రినాకైఫ్‌ ..ఇప్పుడా వరుసలో మరోపేరు చేరనున్నట్లు తెలుస్తోంది. వాలు చూపులతో వల విసిరే ఆ ‘ఫ్యాషన్‌’ సుందరి కంగన రనౌత్‌. ఈ ఎరుపు వర్ణం కిలాడీ..ఏం మాయ చేసిందో ఏమో! ఈ మధ్య సల్లూభాయ్‌..ఓ చోట ఉన్నపళాన నిలువలేకపోతున్నాడట. మకరందం వెతికే తేనెటీగలా అమ్మడి కోసం తెగ గింగిరాలు తిరుగుతున్నాడట! తనెక్కడుంటే అక్కడికి వచ్చి వాలుతున్నాడట. పైగా గంటలకు గంటలు మైమరిచి కబుర్లలో మునిగిపోతున్నాడట.
ఇటీవలే అసిన్‌తో ‘రెడీ’ చిత్రం కోసం ఫోటోషూట్‌ జరుగుతున్నప్పుడు కూడా అక్కడ్నుంచి మాయమై సమీప పరిసరాల్లో ఉన్న కంగనను చేరుకుని ముచ్చట్లలో దిగిపోయాడట సల్మాన్‌. ఏకంగా యూనిట్‌ సభ్యులు వచ్చి..గుర్తు చేస్తేకానీ తనొచ్చిన పనేంటో గుర్తురాని పరిస్థితికి వచ్చేశాడట గురుడు. ఇటీవల కంగన పుట్టినరోజు పార్టీలో అనుకోకుండా ప్రత్యక్షమైన సల్మాన్‌..డార్లింగ్‌ కోసం ఏం చేయడానికైనా సిద్ధమేనని, అందుకే ఇలా వెంపర్లాడుతున్నాడని అనుకుంటున్నారంతా. కంగన వైపు నుంచి కూడా అంతే ఉద్వేగం కొట్టొచ్చినట్టు కనిపిస్తుండడంతో..ఇద్దరి మధ్య వ్యవహారం ఘాటుగానే తయారైందని ఇక జంటగా కలిసిపోవడమే మిగిలిందనీ..వీరిని దగ్గరగా పరిశీలించేవారు గుసగుసలాడుకుంటున్నాయి. కత్రినతో స్నేహం పూర్తిగా చెడాక.. కొత్త భామ వేటలో ఉన్న సల్మాన్‌కి కంగన ఓ ఒయాసిస్సులా పరిచయమైంది. 
No comments:
Post a Comment