ఆఫ్రిది "...." మీద మన క్రికెటర్ దెబ్బ చూడు... హిహ్హిహ్హి: సోనాక్షి
ఇటీవల ఇండియాపై ఆసీస్ పరాజయం పాలైనప్పుడు రికీ పాంటింగ్ పిరుదులపై యూవీ గట్టిగా బ్యాట్‌తో బాదినట్లు ఓ కుర్రవాడు చాలామందికి మెయిళ్లు పంపి ఆనందాన్ని అనుభవించాడు. ఇపుడు అదే జాబితాలో బాలీవుడ్ తాజా బ్యూటీ సోనాక్షి సిన్హా చేరిపోయినట్లు కనబడుతోంది. పాకిస్తాన్‌పై భారత్ ఘన విజయం సాధించడంతో ఆమె తెగ సంబరపడిపోతూ.. పనిలో పనిగా తన ట్విట్టర్ పేజీలో ఓ బొమ్మను కూడా జోడించింది. ఆ బొమ్మ ఎలా ఉందంటే... ఆఫ్రిది బ్యాక్‌పై ఇండియన్ బ్యాట్సమన్ ఒకరు గట్టిగా చరిచినట్లుగా ఉన్నది. పైగా క్యాప్షన్ కూడా.. ఆ క్యాప్షన్‌లో " దే ఘుమకే..! హేహెహహ్హహ్హ్హ...!!". అంటే... లా....గి ఒకే ఒక్క దెబ్బ పీకు... అని పళ్లికిలించడమన్నమాట.
ఈ బొమ్మను చూసిన పాకిస్తాన్ క్రికెట్ అభిమానులు అగ్గిమీద గుగ్గిలం అవుతున్నారు. ఓడిన వారిని కించపరుస్తూ ఇటువంటి పనులు చేయడం తగదనీ, అందునా ఓ హీరోయిన్ ఇటువంటి పని చేయడం సమర్థనీయం కాదని అంటున్నారు. "ఉయ్ హేట్ సోనాక్షీ" అంటూ వారు ట్విట్టర్‌లో ధ్వజమెత్తుతున్నారు.
స్పందనలు చూసిన సోనా... ఏదో నవ్వులాటకు అలా పెట్టాననీ, ఎవరి మనసు నొప్పించేందుకు ఇలా చేయలేదని క్షమాపణలు చెప్పుకున్నది. అయితే చాలామంది అభిమానులు ఆమె ట్విట్టర్ పేజీని ఇకపై చూడబోమని భీషణ ప్రతిజ్ఞ చేశారు కూడా. పోనీలే సోనా.. నిన్ను ట్విట్టర్‌లో మాత్రమే చూడనన్నారు... కానీ సినిమాల్లో చూస్తార్లే అంటున్నారట ఆమె ఫ్రెండ్స్. అదీ సోనా సంగతి.
No comments:
Post a Comment