అమ్మాయిలూ మీ ఒళ్లు జర జాగ్రత్త..!

టెన్నిస్ మ్యాచ్‌లు ఆడేటప్పుడు.. క్రీడాకారిణులు శరీరంలోని లోపలి భాగాలు కనిపించేలా దుస్తులు ధరించటాన్ని ఆస్ట్రేలియన్ ఓపెన్ నిషేధించింది. శరీరాన్ని కప్పి ఉంచేలా సరైన దుస్తులను ధరించాలని ఆదేశాలు జారీ చేసింది.హాప్‌మన్ కప్ సందర్భంగా ఫ్రెంచ్ టెన్నిస్ క్రీడాకారిణి అలిజె కోర్నెట్ పారదర్శక టాప్‌ను ధరించడం సర్వత్రా చర్చనీయాంశం కావడంతో... ఆస్ట్రేలియన్ ఓపెన్ అధికారులు ఈ నిర్ణయం తీసుకున్నట్లు తెలుస్తోంది. పైగా తమ కఠినమైన డ్రెస్ కోడ్‌ను ఉల్లంఘించిన వారికి రెండు వేల డాలర్ల దాకా జరిమానా విధిస్తామని వారు హెచ్చరించారు.

కోర్నెట్ దుస్తుల గురించి మాజీ టెన్నిస్ స్టార్ మార్గరెట్ కోర్ట్ మాట్లాడుతూ... ఆమె అలాంటి దుస్తులు వేసుకోవడం ఎంత మాత్రం ఆమోదనీయం కాదని విమర్శించింది. క్రీడాకారిణులు శరీరం అంతా కనిపించేలా బట్టలు వేసుకుంటే, బీచ్‌లో ఉన్నట్లు కనిపిస్తారేగానీ, టెన్నిస్ ఆడుతున్నట్లు కాదని ఆమె దెప్పిపొడిచింది.

అంతేగాకుండా... "టెన్నిస్ కోర్టు శరీరంలో ప్రతిదాన్నీ చూపించడానికి ఉద్దేశించిన ప్రదేశం కాదనీ, ఆటలో నైపుణ్యం ఉన్నవారు బాగా ఆడాలని, అప్పుడు ఎవరూ.. ఏమీ చూపించకుండానే అందంగా కనిపిస్తారని" మార్గరెట్ టెన్నిస్ క్రీడాకారిణులను ఉద్దేశించి వ్యాఖ్యానించింది. సో.. ఒళ్లంతా కనిపించేలా బట్టలు వేసుకుని, ప్రేక్షకులను కట్టిపడేయాలకునే టెన్నిస్ అమ్మాయిలూ.. మీ ఒళ్లు జర జాగ్రత్త మరి...!