నమిత రియల్ ఎస్టేట్ "సైట్ల"కోసం ఎగబడుతున్న జనం

భారీ అందాల రాశి నమిత, తన అందాలను ఆరబోసి ఆరబోసి విసిగి వేసారిపోయానంటోదట. పైగా ఆమె అందాలను చూపించాల్సినన్ని కోణాలలో చూపించాననీ, ఇక కొత్తగా చూపించేదేమీ లేదని నమిత అభిప్రాయపడుతోందట. దీనికితోడు ఇటీవల తనకు వస్తున్న ఆఫర్లు కూడా గణనీయంగా తగ్గిపోతుండటంతో ఏం చేయాలో తోచక రెండుమూడు వారాలు గోళ్లు గిల్లుకుంటూ ఇంట్లో ఓ మూలన కూచున్నదట. చివరికి ఓ నిర్ణయానికి వచ్చిందట నమిత.
అదేమంటే... సైడ్ బిజినెస్ చేయడం. సినిమా పరిశ్రమలో తను ఆర్జించిన డబ్బును రియల్ ఎస్టేట్ రంగంలో పెట్టుబడిగా పెట్టి డబ్బును ఆర్జించాలని "బాలాజీ డెవలపర్స్" అని ముంబైలో పేరు మోసిన ఏరియాలో ఓ కంపెనీని స్థాపించిందట. దాని ద్వారా ప్లాట్ల కొనుగోళ్లు.. అమ్మకాలు చేస్తోందట.
మొదట ఆ కంపెనీ ఎవరిదోనని అనుకున్నారట జనం. చివరికి నమితది తెలియగానే సైట్లు కొనేందుకు ఎగబడుతున్నారట. మొత్తానికి నమిత ఎక్కడికెళ్లినా ఎగబడటమేనన్నమాట.