హీరోహీరోయిన్ల మధ్య కెమిస్ట్రీ హిట్: ఐతే సినిమా ఫట్

ఇప్పటివరకు బాలీవుడ్‌లో హీరోహీరోయిన్ల మధ్య కెమిస్ట్రీ బాగా నడుస్తూ ఉంటుందని వింటుంటాం. అయితే ఇపుడా అలవాటు టాలీవుడ్ హీరోహీరోయిన్లకూ పట్టుకున్నదని టాలీవుడ్ ఫిలిం జనం టాక్. ఇటీవల బొల్తా కొట్టిన "శక్తి" సినిమా వెనుక జూనియర్ ఎన్టీఆర్ - ఇలియానా కెమిస్ట్రీ కారణమనే గుసగుసలు వినబడుతున్నాయి.ఇలియానా - జూనియర్ ఎన్టీఆర్ ఎక్కువగా డిస్కషన్లతో కాలం గడుపుతూ కనిపించేవారనీ, దాంతో సినిమా ఎలా వస్తుందన్న దానిపై జూనియర్ పెద్దగా శ్రద్ధ పెట్టలేదని భోగట్టా.

జూనియర్ ఎన్టీఆర్ శక్తి వ్యవహారం ఇలావుంటే, ఇటీవల యువసామ్రాట్ అక్కినేని నాగార్జున - అనుష్క -ప్రియమణి హీరోహీరోయిన్లుగా ప్రేక్షకుల ముందుకు వచ్చిన సినిమా "రగడ". ఇది కూడా బాక్సీఫీస్ వద్ద బోల్తా కొట్టింది.

ఈ చిత్రంలో నాగార్జున - అనుష్కల మధ్య కెమిస్ట్రీ బాగా ఉన్నది. అయితే మామూలుగా కూడా వీరిమధ్య ఆ కెమిస్ట్రీ ముదిరి పాకాన పడిందని ఇండస్ట్రీలో గుసగుసలు వినిపిస్తున్నాయి.

ఈ మధ్య సినీ ఇండస్ట్రీలో చాలామందిని వదిలేసి కేవలం నాగార్జున - అనుష్క ఇళ్లపై ఐటీ దాడులు చేయడాన్ని కూడా ఈ కెమిస్ట్రీతో లింకు పెట్టి మాట్లాడటం జరుగుతోంది. ఇంకా ఇటువంటి కెమిస్ట్రీ వలలో పడి చాలామంది హీరోహీరోయిన్లు కొట్టుకులాడుతున్నారని టాలీవుడ్ ఫిలిం జనం చెపుతున్నారు.