ఏంటీ.. లారెన్స్‌తో నాకు లింకా..?! అవన్నీ వట్టి గాలి వాగుళ్లు!

కాంచన చిత్రంలో లారెన్స్ ప్రక్కన నటించిన లక్ష్మీరాయ్ అతడి వెంటే రాత్రింబవళ్లు తిరుగుతోందట. ఈ తిరుగుళ్లను చూసిన కోలీవుడ్ సినీజనం ఇద్దరి మధ్యా విడదీయలేని బంధం పెనవేసుకపోయిందని గుసగుసలు పోతున్నారట. లక్ష్మీరాయ్ మాత్రం అవన్నీ వట్టి గాలి వాగుళ్లని కొట్టి పారేస్తుంది. తను ఎవరితోనైనా చాలా ఫ్రెండ్లీగా ఉంటాననీ, అంతమాత్రాన దానికేదో లింకులు పెట్టి పుకార్లు పుట్టించడంపై ఆమె రుసరుసలాడింది.

ఏదైనా ఓ సినిమాలో ఓ హీరోతో నటిస్తే.. అతడితో లింకులు పెడుతూ గాలివార్తలు సృష్టించడం నేడు ఫ్యాషనైపోయిందని అంది. ఎటువంటి ఆధారం లేని ఈ గాలివార్తలకు బదులు చెప్పీచెప్పీ విసుగుపుట్టిపోయిందని అంటోంది ఈ ముద్దుగుమ్మ.