'రోబో' కంటే పదిరెట్లు క్రేజ్‌ వచ్చింది!

మనిషికి 'సిక్త్‌ సెన్స్‌' అనేది ఉందనీ, అది భవిష్యత్‌ ఎలా ఉంటుందో చెప్పడానికి ఉపయోగపడుతుందని చెబుతుంటారు. అయితే దాని కంటే ఓ మెట్టు ఎక్కినట్లుగా ఉంటే 'సెవెన్త్‌సెన్స్‌' అనేది ఒకటి ఉందనీ అది దర్శకుడు మురుగదాస్‌కే తెలుసునని సుబ్రహ్మణ్యం అన్నారు.................శ్రీలక్ష్మీగణపతి ఫిలింస్‌పై ఈ చిత్రాన్ని తెలుగులో ఆయన విడుదల చేస్తున్నారు. గతంలో 'శివపుత్రుడు', 'అపరిచితుడు', 'పోతురాజు' వంటి చిత్రాలను తెలుగులో అనువాదం చేసిన సుబ్రహ్మణ్యం లేటెస్ట్‌గా 'సెవెన్త్‌సెన్స్‌' విడుదలచేస్తున్నారు.

ఈ చిత్రం గురించి శనివారం ఆయన మాట్లాడుతూ 'రోబో' ఎంతటి సెన్సేషనల్‌ క్రియేట్‌ చేసిందో అంతకంటే పదిరెట్లు ఈ చిత్రంపై క్రేజీ ఏర్పడింది. సినిమా రంగం ప్రయోగానికి కొత్తకాదు. క్రియేటివిటీ ఉంటేనే ఇక్కడ రాణిస్తారు. అలాంటి క్రియేటివ్‌ దండిగా ఉన్న దర్శకుడు మురుగదాస్‌.

ఆయన చేసిన చిత్రాలు తెలుగులో విడుదలయ్యాయి. ఆ కోవలో ఇదీ ఉంటుంది. కథకు సరైన నాయకుడు సూర్య నటించాడు. ఆయన పాత్రే చిత్రానికి హైలైట్‌. కళ్ళతోనే ఆయన నటిస్తాడు. బాడీ లాంగ్వేజ్‌ వెరైటీగా ఉంటుంది. ఇకపోతే హీరోయిన్‌ శృతిహాసన్‌ నటనతోపాటు గ్లామర్‌ ఒలకపోసింది అని చెప్పారు.

సంగీతం గురించి మాట్లాడుతూ హరీష్‌జైరాజ్‌ అద్భుతంగా సంగీత బాణీలను సమకూర్చాడు. కథ రీత్యా దశబ్దాలనాటిది. కనుక దాని గురించి తగ్గట్లుగానే బ్యాక్‌గ్రౌండ్‌ మ్యూజిక్‌ అదరకొట్టాడు అన్నారు. ఇప్పటికే ఈ చిత్రం బిజినెస్‌ అయిపోయిందన్నారు. ఈ సినిమా ఈనెల 26న విడుదలకానుంది.