నా అంగం పొడవు 3 అంగుళాలే ఉంది.. వివాహం చేసుకోవచ్చా?

చాలా మంది యువకులకు పురుషాంగం పొడవు చిన్నదిగా ఉంటుంది. సాధారణంగా అంగం పొడవు ఐదారు అంగుళాల పొడవు ఉండాలని అంటుంటారు. అయితే, కొంతమందిలో మూడు అంగుళాలు మాత్రమే ఉంటుంది. పైపెచ్చు.. అనేక మంది యువకుల్లో సెక్స్ కోర్కెలు కూడా ఎక్కువగా ఉంటాయి. దీంతో పరాయి స్త్రీలను ఊహించుకుంటూ హస్త ప్రయోగం చేసుకుంటుంటారు. 

ఈ తరహా అలవాటు ఉన్నవారు రోజుకు నాలుగైదు సార్లు కూడా స్వయంతృప్తి పొందుతుంటారు. దీంతో అంగం చిన్నదై పోయినట్టుగా వారు భావిస్తుంటారు. ఇలాంటి సమయంలో అంగం చిన్నదిగా ఉండటం, హస్త ప్రయోగం అలవాటు ఉంటే వివాహం చేసుకునేందుకు పనికి వస్తానా అనే సందేహం వారిని వెంటాడుతూ ఉంటుంది. ఇదే అంశంపై వైద్యులను సంప్రదిస్తే.. 

చాలా మంది యువకుల్లో ఈ తరహా ఆందోళన .. అనుమానం ఉంటుందంటున్నారు. సెక్స్‌కు అంగం పొడవుకు ఎలాంటి సంబంధం లేదంటున్నారు. ముఖ్యంగా హస్త ప్రయోగం చేసుకోవడం వల్ల ఎలాంటి నష్టం లేదంటున్నారు. దీనివల్ల ఎలాంటి అనర్థాలు, తేడాలు రావని చెపుతున్నారు. 

హస్త ప్రయోగం వల్ల సెక్స్‌ సామర్థ్యం తగ్గదని, అందువల్ల వివాహ జీవితానికి హస్త ప్రయోగం ఎలాంటి ఆటంకం రాదని అంటున్నారు. మానసిక చింత, లేనిపోని అనుమానాలు లైంగిక సామర్థ్యాన్ని దెబ్బతీస్తాయని హెచ్చరిస్తున్నారు. ఇంకా అనుమానాలు ఉంటే.. నిపుణులైన సెక్స్ వైద్య నిపుణుల వద్ద కౌన్సెలింగ్ తీసుకోవచ్చని సలహా ఇస్తున్నారు.