ఒకప్పటి అందాల తార శ్రీదేవి మళ్లీ ఇప్పుడు తన స్టెప్పులతో ప్రేక్షకులను అలరించనుంది. 'ఇండియన్‌ మైకేల్‌జాక్సన్‌' ప్రభుదేవాతో కలిసి ఓ కార్యక్రమంలో
ఆమె డ్యాన్స్‌ చేయనుంది. శ్రీదేవి 20 సంవత్సరాల తర్వాత ఇటీవలే 'ఇంగ్లీష్‌ వింగ్లీష్‌' సినిమాతో రీ-ఎంట్రీ ఇచ్చారు. ఇప్పుడు ఓ స్టేజ్‌ పర్ఫామెన్స్‌ ఇచ్చేందుకు ఒప్పుకున్నట్టు తెలుస్తోంది. ప్రభు, శ్రీదేవి మంచి స్నేహితులు కావడం వల్లే ఇందుకు అంగీకరించినట్టు తెలుస్తోంది.
వీరిద్దరు చేయబోయే పాటకు బాలీవుడ్‌ కొరియోగ్రాఫర్‌ రెమో డిసౌజా నృత్యరీతులు సమకూరుస్తున్నారు. ప్రస్తుతం వీరిద్దరూ పాటకు రిహార్సల్స్‌ కూడా చేస్తున్నారు. మకావ్‌లో ఇండియన్‌ ఇంటర్నేషనల్‌ ఫిలిం అకాడమీ నిర్వహిస్తున్న హిందీ సినిమా అవార్డుల కార్యక్రమంలో ఈ డ్యాన్స్‌ ప్రోగ్రాం ఏర్పాటు చేస్తున్నారు. పలువురు బాలీవుడ్‌ ప్రముఖులు దీనికి హాజరవుతారు. వారంతా మన శ్రీదేవి డ్యాన్స్‌ కోసం చాలా ఆతృతగా ఎదురుచూస్తున్నారు.
No comments:
Post a Comment