ఎయిడ్స్.. మందులేని ప్రాణాంతక వ్యాధి. విచ్ఛలవిడి శృంగారం, పరీక్షించని
రక్తమార్పిడి ద్వారా ఒకరి నుంచి మరొకరికి వ్యాపించే వ్యాధి. ఈ ప్రాణాంతక
వ్యాధికి వ్యాక్సిన్ దొరికింది. హెచ్‌ఐవి కారక క్రిములు దరిచేరకుండా కొత్త
వ్యాక్సిన్ ను అమెరికా యూనివర్శిటీ విద్యార్థులు కనుగొన్నారు. ఈ
వ్యాక్సిన్‌ను కోతుల్లో విజయవంతంగా ప్రయోగించి సత్పలితాలను పొందారు.
మనుషుల్లోనూ ఈ వ్యాక్సిన్‌తో ఎయిడ్స్ ను నిరోధించగలమని చెబుతున్నారు.నిరూపించిన అమెరికా ఒరేగాన్ యూనివర్సిటీ ..
ప్రపంచవ్యాప్తంగా కోట్లాది మంది ఈ ఎయిడ్స్ భూతానికి బలవుతున్నారు. హెచ్‌ఐవి వైరస్‌ నుంచి ఎయిడ్స్ వ్యాధి వ్యాప్తిస్తుందని అందరికీ తెలుసు. ఈ వ్యాధి బారిన పడి రోగ నిరోధక శక్తి తగ్గి జీవితాలను అర్ధాంతరంగా ముగిస్తున్నవారెందరో ఉన్నారు. అయితే.. హెచ్‌ఐవి వైరస్‌ను నాశనం చేసి ఎయిడ్స్ బారి నుంచి రక్షించే మందును ఎవరూ కనుక్కోలేకపోయారు. ఎయిడ్స్ వ్యాధికి మందును కనుక్కున్నామని ఎందరో చెప్తున్నప్పటికీ ఇప్పటి వరకూ ప్రయోగాత్మకంగా నిరూపణ కాలేదు.
అమెరికాకు చెందిన ఒరేగాన్ హెల్త్ అండ్‌ సైన్స్ యూనివర్శిటీకి చెందిన పరిశోధకులు ప్రాణంతక ఎయిడ్స్ కు వ్యాక్సిన్‌ను కనుగొన్నామని అంటున్నారు. తాము కొత్తగా కనుగొన్న వ్యాక్సిన్‌తో శరీరంలోని ప్రాణాంతక హెచ్‌ఐవి కణాలను పూర్తిగా తొలగించగలమని చెప్పారు. ఈ వ్యాక్సిన్‌ను కోతుల్లో విజయవంతంగా ప్రయోగించారు. త్వరలోనే మానవుల్లోనూ ఈ వ్యాక్సిన్‌ను పరీక్షిస్తామని తెలిపారు.
రోగ నిరోధక శక్తిని పెంచే వ్యాక్సిన్...
ఈ వ్యాక్సిన్ ద్వారా మనుషుల్లో రోగ నిరోధక శక్తిని పెంచి శరీరంలో హెచ్‌ఐవి కారక వైరస్‌ను పూర్తిగా తొలగించగలమని పరిశోధకులు భావిస్తున్నారు. చాలా మందిలో సైటోమిగాలో అనే వైరస్‌ సహజంగానే ఉంటుంది. దాన్ని సిమిన్‌ ఇమ్మ్యునోడిఫిసియెన్సీ అనే వైరస్‌తో జతచేస్తే శరీరంలో హెచ్‌ఐవి రోగ నిరోధక శక్తి పెరుగుతుంది. శరీరంలో రోగ నిరోధక శక్తిని పెంచి హెచ్‌ఐవి వైరస్‌ను నిరోధించడంలో టి-సెల్స్ కీలకపాత్ర పోషిస్తాయి. ఈ టి-సెల్స్‌ను చైతన్యవంతం చేసి హెచ్‌ఐవి వైరస్‌ను దరిచేరుకుండా చేయగలమని పరిశోధకులు ఆశాభావంతో ఉన్నారు. ఈ ప్రయోగాలు ఫలిస్తే ఎయిడ్స్ వ్యాధి నుంచి మనకు విముక్తి లభించనుంది.
No comments:
Post a Comment