'అనుష్క'.. టాలీవుడ్ అంతా ఈ బ్యూటీని ముద్దుగా 'జేజెమ్మ' అని
పిలుచుకుంటారు. ఈ బ్యూటీ ఇప్పుడు వరుస హిట్లతో దూసుకుపోతుంది. ఇదే కాకుండా
ప్రస్తుతం 'రుద్రమా దేవి', 'వర్ణ' లాంటి రెండు భారీ చిత్రాల్లో నటిస్తోంది.
అయితే ఈ ముద్దుగుమ్మ నాగ్ పై తెగ ప్రేమ వొలకబోస్తుంది. ఈ ప్రేమ కాస్త
ముదిరి ఇప్పుడు నాగ్ ను స్టార్ డైరెక్టర్ తో సినిమా చేయించే వరకూ
వెళ్లింది. నాగార్జున ప్రస్తుతం 'భాయ్' చిత్రంలో నటిస్తున్నాడు. ఇదే
కాకుండా కొత్తగా నాగ్ ఓ ప్రయోగాత్మక సినిమా చేయబోతున్నాడట. దీనికి
దర్శకుడిగా ఎవరిని తీసుకోవాలా అని ఆలోచిస్తుంటే వెంటనే అనుష్క ఓ దర్శకుడిని
సూచించడం, నాగ్ కు నచ్చడం.. ఆ దర్శకుడూ ఓకే చెప్పడం అన్నీ చకచకా
జరిగిపోయాయట.
ఆ దర్శకుడే.. '7/జి బృందావనం', 'ఆడవారి మాటలకు అర్థాలు వేరులే' వంటి సూపర్
హిట్ సినిమాలు తీసిన సెల్వ రాజన్. అతన్ని నాగ్ తో ఓ సినిమా చేసేందుకు
ఒప్పించిందట అనుష్క. ఇక ఈ సినిమా నాగార్జునకు వందో సినిమాగా రాబోతోందని
టాలీవుడ్ సమాచారం. సో.. నాగ్ కోసం అనుష్క ఆరాటం చూస్తున్న సినీ విమర్శకులు
వందో సినిమాలోనూ తానే హీరోయిన్ గా నటించడంకోసం ఇంతగా చేస్తుందని
అంటున్నారు. ఇది ఎంతవరకు నిజమో చూడాలి.

No comments:
Post a Comment