'హరీష్ శంకర్' దర్శకత్వంలో 'ఎన్టీఆర్' హీరోగా శ్రీ వెంకటేశ్వర క్రియేషన్స్
పతాకంపై దిల్ రాజు నిర్మిస్తున్న సినిమా 'రామయ్యా వస్తావయ్యా'. ఈ సినిమాలో
హీరోయిన్లుగా
సమంత, శ్రుతిహాసన్ నటిస్తున్నారు. ఈ నెల 27న విడుదల కావల్సిన ఈ
సినిమా వాయిదాపడే అవకాశాలున్నట్లు వార్తలు వినిపిస్తున్నాయి.ఇప్పటికే
ఆడియో వాయిదాపడింది. దీనికి కారణం ఒకవైపు ఉద్యమాలైతే, మరోవైపు అత్తారింటికి
దారేదీ అంతే కారణమంటున్నారు ఇండస్ట్రీ వర్గాలు. ఈ నెల 20న విడుదల కావల్సిన
'అత్తారింటికి దారేది' ఫోస్ట్ పోన్ అయిన విషయం తెలిసిందే. 'పవన్ బరిలో
ఉన్నాడంటే ఎవరైనా తప్పుకోవాల్సిందే' అని సినీ పరిశ్రమలోఉ న్న టాక్ కి హరీష్
ఏమాత్రం జడవడం లేదు. పవన్ తో శంకర్ ఢీ కొట్టాలని చూస్తున్నాడు. రామయ్యా
వస్తావయ్యా సినిమా విడుదల గురించి నిర్మాత దిల్ రాజు కంటే హరీష్ ఎక్కువ
హడావిడి చేస్తున్నాడు. విడుదల విషయంలో హరీష్ మాత్రం ఖచ్చితంగా ఈ సినిమా
చెప్పిన డేట్ కే వస్తుందంటూ అదే పనిగా ట్వీట్లు పెడుతూ ఇన్ డైరెక్ట్ గా
పవన్ కు భయపడేది లేదని తేల్చి చెబుతున్నాడు. కెరీర్ మొదట్లో పవన్ మా దేవుడు
అన్నట్లు బిల్డప్ ఇచ్చేవాడు హరీష్ శంకర్. ఇప్పుడు అతనితో ఢీ కొట్టాలని
ఎందుకు చూస్తున్నాడో గానీ చూసేవారు మాత్రం ఏ హీరో దగ్గర ఆ పాట పాడటం హరీష్
ను చూసే నేర్చకోవాలని కామెంట్స్ చేస్తున్నారట.
No comments:
Post a Comment