'సెకండ్ ఇన్నింగ్స్'కు రెడీ అంటున్న చిరు.!

చిరు సినిమా రీ ఎంట్రీకి రంగం సిద్ధమైందట. అన్నీ కుదిరితే ఈ యేడాది చివరిలోనే చిరు సినిమా పట్టాలెక్కుతుందని టాలీవుడ్ టాక్. ఇది వినడానికి ఆశ్చర్యంగా ఉన్నా.. ప్రస్తుతం టాలీవుడ్ లో ఈ న్యూస్ హాట్ టాపిక్ గా మారింది. ఇక చిరు ఎంట్రీకి తనయుడు రామ్ చరణ్ ఆల్రెడీ రెండు కథలు రెడీ చేశానని గతంలోనే ప్రకటించాడు. అంతే కాక తండ్రి సినిమాను తానే నిర్మిస్తానని కూడా చెప్పాడు.
అయితే చిరు డైరెక్ట్ గా సినిమాలో నటించడం కాకుండా మొదట చరణ్, పవన్ ల సినిమాల్లో గెస్ట్ రోల్స్ వేసి, తర్వాత తాను హీరోగా ఎంట్రీ ఇస్తాడని టాలీవుడ్ లో గుసగుసలు వినిపిస్తున్నాయి. ఇంత సడెన్ గా చిరు ఈ నిర్ణయం తీసుకోవడానికి కారణాలేంటో అనేదే ఆసక్తిగా మారింది. అయితే దీని వెనకాల పెద్ద రాజకీయ కోణమే ఉందట..
మరికొద్ది రోజుల్లోనే అసెంబ్లీ ఎన్నికలున్నాయి కాబట్టి, ఏదో ఒక రాజకీయ, సామాజిక నేపథ్యం ఉన్న సినిమా తీసి మళ్లీ ప్రజలను ఆకట్టుకుని దాన్ని ఎన్నికల్లో వాడుకోవచ్చనుకుంటున్నాడని సినీ వర్గాల సమాచారం. చిరుకి ఎన్నికలతో పనిలేకున్నా.. తన సన్నిహితులు, తనను నమ్ముకొన్న వారిని గెలిపించి అధిస్టానం వద్ద మార్కులు కొట్టేయొచ్చనే ఆలోచనలో ఉన్నాడట. మరి ఇందులో ఏది నిజమో ఏది అబద్ధమో కానీ, చిరు సినిమాల్లోకి వస్తాడనే వార్త మాత్రం ఆయన అభిమానులకు పెద్ద సంబరమే..అని చెప్పవచ్చు.