సునీల్ సరసన నటించాలా..? రూ.2 కోట్లివ్వండి

చెన్నై అందగత్తె త్రిష ఎవరితోనైనా నటించడానికి తనకు ఎలాంటి అభ్యంతరం లేదంటోంది. ఇటీవల ఓ టాలీవుడ్ చిన్న నిర్మాత సునీల్‌తో ఓ చిత్రం చేయబోతున్నాననీ, అందులో హీరోయిన్‌గా నటించాలంటూ....... త్రిష ముందుకు వచ్చాడట. దానికి త్రిష తన రేంజ్ తగ్గిందని అనుకుంటున్నారా..? అని అడగకుండా చిన్న కండిషన్ పెట్టిందట.

సునీల్‌తో నటించడానికి తనకు ఎటువంటి అభ్యంతరం లేదనీ, అయితే పారితోషికంగా రూ. 2 కోట్లిస్తే సిద్ధమేనని తెలియజేసిందట. దీంతో సదరు నిర్మాతకు కళ్లు బైర్లు కమ్మి వెనక్కి తిరిగి చూడకుండా అక్కడ్నుంచి జారుకున్నాడట.

అన్నట్లు ఈ ఏడాది చివర్లో కానీ వచ్చే ఏడాది ప్రధమార్థంలోగానీ త్రిష వివాహం చేసుకునే అవకాశం ఉన్నదని కోలీవుడ్ సినీవర్గాల భోగట్టా.