మసాలా సినిమా చేయడానికి నేను రెడీ: సలోని

ధన-51 చిత్రంతో తెలుగులో పరిచయమైన సలోని అశ్వాని ఆ తర్వాత కొన్ని చిత్రాల్లో చేసినా పెద్దగా పేరు రాలేదు. చాలాకాలం గ్యాప్‌ తర్వాత రాజమౌళి 'మర్యాదరామన్న' ..........చిత్రంతో సక్సెస్‌ హీరోయిన్‌గా పేరు తెచ్చుకుంది. తాజాగా 'తెలుగమ్మాయి'లో నటిస్తోంది.

ఇందులో లంగాఓణి వేసే అచ్చమైన తెలుగమ్మాయిగా నటించింది. ముంబైకు చెందిన తనకు తెలుగు అమ్మాయిగా అవకాశం రావడం అదృష్టంగా పేర్కొంది. తాజాగా బాలకృష్ణ లేటెస్ట్‌ చిత్రం 'మహదేవనాయుడు'లో నటిస్తోంది. అదేవిధంగా వెంకటేష్‌తో 'బాడీగార్డ్‌'లో నటించింది.

క్లాస్‌ మాస్‌ చిత్రాల్లో నటించే అవకాశం రావడం గొప్పగా పీలవుతున్నానీ చెబుతూ.. మసలా సినిమాలో చేయడానికి రెడీ అని పేర్కొంది. మసలా చిత్రమంటే.. ఎక్స్‌పోజింగ్‌, బికినీ, శృంగార సన్నివేశాలుంటాయి.

మరి తెలుగమ్మాయిగా చేసి వాటిని ఎలా మెప్పిస్తారంటే... నా దృష్టిలో మసాలా చిత్రాలంటే... మర్యాదరామన్న లాంటి చిత్రమనీ, లేదంటే.. రౌడీరాణిలాంటి పాత్రలు వేయడమే తనకిష్టమని చెప్పింది. ఎక్స్‌పోజింగ్‌ అనేది కథను బట్టే ఉంటుందనీ, బికినీ మాత్రం వేయనని తేల్చి చెప్పింది. బాలీవుడ్‌లో ఎక్స్‌పోజింగ్‌ అంటే మోడ్రన్‌ డ్రెస్‌లు వేయడమేనని ఉదహరించింది.