మనస్సున్న మారాజు జూనియర్: సమంత

జూనియర్ ఎన్టీఆర్‌పై టాలీవుడ్ స్టార్ హీరోయిన్ సమంత ప్రశంసల వర్షం కురిపిస్తోంది. మనస్సున్న మారాజుగా జూనియర్‌ను ఆకాశానికెత్తేసింది.......మరి సమంతను ఏమాయ చేశాడో తెలియదు గానీ, సమంత మాత్రం జూనియర్‌ను మరిచిపోలేక పోతోంది.

టాలీవుడ్‌లో మూడంటే మూడు చిత్రాల్లో నటించిన ఈ ముద్దుగుమ్మ... ఇపుడు అగ్ర కథానాయికగా వెలుగొందుతోంది. "ఏ మాయ చేసావె", "బృందావనం", "దూకుడు" చిత్రాల విజయాలతో మంచి హుషారులో ఉన్న సమంత తనతో నటించిన హీరోనందరినీ ప్రశంసలతో ముంచెత్తుతోంది.

తన తొలిచిత్ర హీరో నాగచైతన్య గురించి మాత్రం ముక్తసరిగా చెపుతోంది. ఈ కుర్ర హీరోతో ఆటో నగర్ సూర్య చిత్రంలో కలిసి నటించనుంది. అలాగే, బృందావనం హీరో జూనియర్ ఎన్టీఆర్ గురించి మాట్లాడుతూ ఎన్టీఆర్ మంచి మనసున్న మనిషని, అతని ఫ్రెండ్లీ నేచర్ తననెంతగానో ఆకట్టుకుంటుందని చెప్పింది.

అలాగే, "దూకుడు"లో తన పాత్ర పరిధి చిన్నదైనా మహేష్ సరసన నటించడం మరిచిపోలేని అనుభూతినిచ్చిందని చెపుతోంది. దూకుడు సినిమా కథ మొత్తం మహేష్‌బాబు చుట్టూ తిరుగుతుందని నాకు తెలుసు. నా పాత్ర చిన్నదైతేనేం ప్రిన్స్ పక్కన నటించడం మామూలు విషయం కాదంటోంది.

అంత సీనియర్ అయి కూడా మహేష్ ఇప్పటికీ ప్రతి సినిమాని తొలి చిత్రంగా భావించి కష్టపడతాడు. ఈ విషయంలో ఆయన్ని నేను ఎప్పటికీ స్పూర్తిగా తీసుకుంటానని అందుకే దూకుడు చిత్రంలో నటించినట్టు చెప్పుకొచ్చింది.