కంప్యూటర్ - సెల్‌ఫోన్లు నిద్రను హరించి వేస్తున్నాయా..?

కంప్యూటర్, మొబైల్ ఫోన్‌ల వినియోగానికి, నిద్రలేమికి సంబంధం ఉందన్న అనుమాలు నిజం కాదని పరిశోధకులు చెపుతున్నారు.........................................కంప్యూటర్ మరియు మొబైల్ ఫోన్స్ వంటి సాంకేతికపరమైన పరికరాలు మనుషుల నిద్రాసమయాన్ని హరించి వేస్తున్నాయనే విషయమై పరిశోధకులు విస్తృత పరిశోధనలు జరిపి ఈ సత్యాన్ని వెల్లడించారు.

యూనివర్శిటీ ఆఫ్ సిడ్నీలోని ఒక బృంద సభ్యులు, ఆస్ట్రేలియా ప్రజల నిద్రాసమయంలో గత దశాబ్దకాలంలో ఒక గంట సమయం మాత్రమే తగ్గినట్టు పరిశోధనల ద్వారా తేల్చి చెప్పారు. ఆస్ట్రేలియన్ బ్యూరియా ఆఫ్ స్టాటిస్టిక్స్ 1992, 1997 మరియు 2006 సంవత్సరాలలో ఇచ్చిన గణాంకాల ద్వారా వాళ్ళు ఒక వ్యక్తి సగటు నిద్ర 1992లో 8 గంటల 20 నిముషాలుగానూ, 1997లో 8 గంటల 33 నిముషాలుగానూ, అలాగే 2006లో 8 గంటల 30 నిముషాలుగానూ కనుగొన్నారు.

వారాంతాలు, వేర్వేరు కాలాలను పరిగణనలోకి తీసుకుని గణించిన తర్వాత 1992 నుండి 2006 వరకూ సరాసరి నిద్రాసమయంలో చెప్పుకోదగినంత మార్పేమీ కనబడలేదని పరిశోధకులు వెల్లడించారు. మొత్తంమీద ఫలితాలు అనుకూలంగానే వచ్చాయి. నిద్రలేమి అనేది అనేక రకాల ఆరోగ్య సమస్యలవల్ల ఏర్పడుతుంది. ప్రాణాపాయ పరిస్థితుల్లోనూ, హృద్రోగాల వల్ల, ఊబకాయం, ప్రమాదాలు మరియు గాయాల వల్ల, అలాగే మానసిక సమస్యల వల్ల నిద్రలేమి ఏర్పడుతుంది.

"నిద్రాసమయ లోపం ప్రజల అనారోగ్యానికి కారణంగా కన్పించడం లేదు. నిద్రకి సమయాన్ని కేటాయించిన ఆస్ట్రేలియా వ్యక్తులు ఈ సమయంలో సాంఘికపరమైన, సాంకేతికపరమైన సవాళ్ళను ఎదుర్కోవలసి ఉంటుందన్పిస్తోంది" అని పరిశోధకులు తెలియజేశారు.