త్రిష మార్కెట్ డౌన్.. పెళ్లి చేస్కునేందుకు వరుడి వెతుకులాట..!

చిత్ర పరిశ్రమలో త్రిషాకి మార్కెట్ పడిపోయిందని,..................... అందువల్ల త్వరలో ఆమె పెళ్ళి చేసుకోవాలని నిర్ణయించుకుందనే వార్తలు వ్యాపించాయి. వయసులో ఉన్న కొత్త భామల రాక అధికమవడంతో త్రిష లాంటి ముదురు భామలను దర్శకులు, హీరోలు దూరంగా ఉంచుతున్నారని అంటున్నారు.

ఈ విషయమై అడిగినపుడు త్రిష ఏమందంటే "గతంలో నా గురించి ఎన్నో పుకార్లు పుట్టుకొచ్చాయి. ఆ క్రమంలోనే ఈ పుకారు కూడా పుట్టుకొచ్చింది. ఈ పుకార్లన్నీ ఎక్కడి నుంచి పుట్టుకొస్తున్నాయో నాకు అర్ధం కావడంలేదు. నేను ప్రస్తుతం "దమ్ము" అనే సినిమాలో ద్విపాత్రాభినయం చేస్తున్నాను. అది అన్నవరం, ఒక్కడు చిత్రాల కోవకు చెందింది.

నా గురించి వచ్చే పుకార్లను నేను పట్టించుకోను. సినిమా రిలీజ్ అయిన తర్వాత ప్రజలు నా నటనను అభినందిస్తారు. సినిమాల్లో నా మార్కెట్ బాగానే ఉంది. అందువల్ల నేను పెళ్ళి గురించి ప్రస్తుతం ఆలోచంచడం లేదు"- అని సమాధానమిచ్చింది ఆ ముదురు ముద్దుగుమ్మ.