విక్రమ్‌ ప్రభు(గజరాజు ఫేం), సురభి నటీనటులుగా యం.శరవణన్‌ దర్శకత్వంలో
తెరకెక్కిన తమిళ చిత్రం 'ఇవన్‌ వేరమాదిరి' ఎన్‌.లింగుస్వామి
సమర్పణలో
తిరుమల బ్రదర్స్‌ నిర్మించగా తమిళంలో విజయవంతమైన ఈ చిత్రాన్ని లక్ష్మీ
గణపతి ఫిలింస్‌ బ్యానర్‌పై బి.సుబ్రమణ్యం, సురేష్‌.ఎస్‌.ఎన్‌.సుభాష్‌
చంద్రబోస్‌ నిర్మాతలుగా 'సిటిజన్‌' టైటిల్‌తో తెలుగు ప్రేక్షకులను
అందిస్తున్నారు. వంశీకృష్ణ ప్రతినాయకుడిగా నటించారు. డబ్బింగ్‌
కార్యక్రమాలు పూర్తి చేసుకున్న ఈ చిత్రం ఈ నెల 21న ప్రేక్షకుల
ముందుకొస్తుంది. ఈ సందర్భంగా చిత్ర నిర్మాత బి. సుబ్రహ్మణ్యం మాట్లాడుతూ... లింగుస్వామిగారి దర్శకత్వంలోగానీ, ఆయన బ్యానర్‌లోగానీ వచ్చిన సినిమాలంటే పెద్ద హిట్‌ అవుతాయనే విషయం అందరికీ తెలిసిందే. ఈ చిత్రాన్ని మా సంస్థ ద్వారా తెలుగు ప్రేక్షకులకు అందించడం ఆనందంగా ఉంది. శరవణన్‌ బాధ్యతాయుతమైన కథాంశంతో తెరకెక్కించారు. జనాన్ని భయపెట్టి దేశాన్ని దోచుకునే ఓ రాజకీయ నాయకుడికి ఒక సామాన్యుడు ఎదురుతిరిగి అతనికి ఎలా బుద్ధి చెప్పాడనేది కథాంశం. 'గజరాజు'తో కథానాయకుడిగా పరిచయమైన విక్రమ్‌ ప్రభు ఈ సినిమాతో స్టార్‌ ఇమేజ్‌ను సొంతం చేసుకుంటాడు. వంశీకృష్ణ విలన్‌గా అద్భుతంగా యాక్ట్‌ చేశాడు. ఈ సినిమాతో అతనికి కూడా మంచి బ్రేక్‌ వస్తుంది. డబ్బింగ్‌, లిప్‌ సింక్‌ విషయంలో చాలా జాగ్రత్తలు తీసుకున్నాం. స్ట్రెయిట్‌ సినిమా చూసిన ఫీలింగ్‌ కలుగుతుంది. చక్కని సందేశమున్న చిత్రమిది. సత్య సంగీత సారధ్యంలో పాటలు పెద్ద హిట్టయ్యాయి. ఈ నెల 21న సినిమాను విడుదల చేస్తున్నాం. సినిమా చూసిన ప్రతి ఒక్కరూ థియేటర్‌ నుండి బయటికొచ్చి మంచి సినిమా చూశాం అనుకుంటారు అని అన్నారు. ఈ చిత్రానికి సంగీతం: సత్య, మాటలు: శశాంక్‌ వెన్నెలకంటి, ఎడిటింగ్‌: శ్రీకరప్రసాద్‌.
No comments:
Post a Comment