నడుము నొప్పికి మంచిది

బోర్లాపడుకొని రెండు కాళ్ళను మోకాళ్ళ భాగం నుండి వెనక్కి వంచి ఉంచాలి. ఇప్పుడు ఒక చేతిని వెనక్కు పోనిచ్చి ఒక కాలి మడమ భాగం దగ్గర పట్టుకోవాలి. అలాగే రెండవ కాలిని
కూడా పట్టుకోవాలి. చేతులతో కాళ్ళను గట్టిగా పట్టుకుని రెండు కాళ్ళనూ పైకి తన్నుతూ మెడను, ఛాతిని పైకి లేపి, కదపకుండా అలాగే ఉండాలి. కళ్ళు మూసుకోవాలి. ఈ భంగిమలో మీరు ఎంతసేపు ఉండగలిగితే అంత సమయం ఉండవచ్చు. 
గట్టిగా పట్టుకున్న కాళ్ళు, చేతులు వింటి నారిని, మిగితా శరీరం విల్లును పోలి ఉంటుంది కాబట్టే దీనిని ధనురాసనం అంటారు. లావుగా ఉన్నవారికి కాళ్ళు చేతులు అందకపోతే పదాన్ని పట్టుకున్న సరిపోతుంది. నెమ్మదిగా ఈ ఆసనాన్ని చేస్తూ ఉంటే తర్వాతర్వాత పూర్తి ఆసనాన్ని వేయగలుగుతారు.
ప్రయోజనాలు: నడుము నొప్పి, మెడ నొప్పి ఉన్నవారికి ఈ ఆసనం ఎంతో ఉపయోగం. అంతేకాదు, బరువు తగ్గాలనుకునే వారికి డైటింగ్‌ల కన్నా ఈ ఆసనం వేయడం వలన నడుము, పిక్కలు సన్న బడుతాయి. దాంతో బరువూ తగ్గుతారు.