'డైనోసార్లు' బతికే ఉన్నాయా ?

సముద్రం ఒడ్డు..ఒక భయానక జలచరం కొట్టుకవచ్చింది..భారీ శరీరంతో కూడుకున్న ఆ జీవిని అక్కడున్న జనం చూసి భయపడ్డారు. దీని పొడవు 55 అడుగులు ఉంటుంది. ఈ భారీ ఆకారంతో ఉన్న జీవి ఉనికిని కనుగొనేందుకు చాలా
ప్రయత్నాలు జరిగాయి. ఇలాంటి జీవులు సముద్రం నుండి ఒడ్డుకు కొట్టుకొస్తున్నాయి. మరి ఇంతకి ఏంటా జీవులు ?
ఈ జీవులు 'డైనోసార్ల'ను పోలి ఉన్నాయి. కానీ ఇవి నిజమైన డైనోసార్లా ? ఇంకా సాగర గర్భంలోనే ఉన్నాయా ? మళ్లీ పుట్టే అవకాశం ఉందా ? అనేక ప్రశ్నలు మదిలో తలెత్తుతుంటాయి ? దీని గురించి తెలుసుకోవాలని ఉందా ?
డైనోసార్...
     ఒక దోమ ఓ జీవిని కుట్టి రక్తాన్ని పీల్చింది. ప్రమాదవశాత్తు చెట్టు నుండి కారే జిగురులో చిక్కుకుని చనిపోయింది. ఆ జిగురు చరిత్ర పరిశోధకుల కంట పడింది. జిగురులో ఉండే దోమను చూసి వారు ఆశ్చర్యపోయారు. దోమ రక్తం నుండి డిఎన్ఎ వేరు చేశారు. ఆ రక్తం 'డైనోసార్'గా గుర్తించారు. దాని ఆధారంగా డైనోసార్లకు మళ్లీ ప్రాణం పోయాలని శాస్త్రవేత్తలు ప్రయత్నాలు చేశారు.
    డైనోసార్ డిఎన్ఎతో ల్యాబరేటరిలో డైనోసార్ గుడ్లను డెవలప్ చేశారు. మోడ్రన్ టెక్నాలజీతో వీటిని ఫలదీకరణం చెందిస్తే డైనోసార్లు మళ్లీ పురుడు పోసుకుంటాయి. కోట్ల సంవత్సరాల క్రితం అంతరించిపోయిన రాక్షస బల్లులు.. మెల్లిగా బయటకు వచ్చాయి. అవి పెరిగి పెద్దగా అయితే పరిణామాలు ఎలా ఉంటాయి ? మనుషులు మచ్చిక చేసుకోగలుగుతారా ?
   భారీగా పెరిగిన డైనోసార్ చూస్తే గుండెల్లో దడ పుడుతుంది. అది అరిస్తే గుండెలు ఆగిపోవాల్సిందే. దగ్గరగా చూస్తే వణుకు పుట్టాల్సిందే. డైనోసార్లు మళ్లీ ప్రాణం పోసుకుంటే సహజంగానే మనుషుల్ని మట్టు పెడతాయేమో గానీ వాటిని మచ్చిక చేసుకోవడం మాత్రం భ్రమే కావొచ్చు.
సముద్రంలో భారీ జీవులు...
   నేల మీదనే కాక సముద్రంలో కూడా భారీ జీవులకు సంబంధించిన పరిశోధనలు జరుగుతున్నాయి. ఇందుకు ఓ కెమెరాను నీటిలోకి పంపించి చిత్రాలను తీసుకుంటుంటారు. అప్పుడప్పుడు వారికి ప్రమాదాలు కూడా ఎదురవుతుంటాయి. నీటిలో డైనోసార్లు తెలియాడుతూ తిరుగుతుంటాయి. ఏదైనా జంతువు దొరుకుతుందని ఇవి అటు ఇటూ తిరుగుతుంటాయి. వీటితో పాటు మరికొన్ని భారీ జీవులు కూడా ఉన్నాయి. ఇవి చాలా వేగంగా సంచరిస్తాయి. కొన్ని జీవులను చూడాలంటే మరికొన్ని జీవులను ఎరగా వేయాల్సి వస్తుంది. ఎరగా వేయగానే ఒక భారీ చేప జెట్ స్పీడులా దూసుకొచ్చింది. దీనిని చూస్తే ఒళ్లు జలదరిస్తుంది.
సముద్రంలో అనంతమైన జీవ కోటి...
      సముద్రం అంతర్భాగంలో అనంతమైన జీవకోటి దాగుంది. లక్షల జీవ జాతులలో భారీ వింత జంతువులు కూడా ఉన్నాయి. అందులో 'నీటి డైనోసార్లు' కూడా ఉండొచ్చు. 'టైలోసార్' అనే నీటి డైనోసార్ సముద్రాల్లో ఉన్నాయని అనుమానాలు కలుగుతున్నాయి. సముద్రగర్భంలో అవింకా సంచరిస్తున్నాయా ? ఆ అనుమానాలను బలపరిచే కొన్ని ఆనవాళ్లు బయటపడుతున్నాయి.
న్యూజిలాండ్ లో డైనోసార్ ?
   న్యూజిలాండ్ లో భారీ భయానక జీవి ఒడ్డుకు కొట్టుకొచ్చింది. 30 అడుగుల జలచరం భారీ దంతాలతో భీకరంగా కనిపిస్తోంది. ఒడ్డుకు కొట్టుకొచ్చిన ఆ రాకాసి మృతదేహం డైనోసారా..? కొంత మంది సైంటిస్టులు ఇది నిజం కావచ్చంటుంటే.. మరి కొంతమంది కొట్టిపారేస్తున్నారు. ఇదేదో భారీ తిమింగలం అయి ఉంటుందని సైంటిస్టులు చెబుతున్నారు.
టైలోసార్..
     'టైలోసార్' కొన్ని లక్షల సంవత్సరాల క్రితం ఉన్న డైనోసార్ జాతి జీవి. సుమారు 40 అడుగుల పొడవు పెరుగుతుంది. దీనికి కోపం చాలా ఎక్కువ. అడ్డొచ్చిన జీవుల్ని అమాంతం మింగేస్తుంది. టెలోసార్ కు వేటలో అడ్డొంచ్చినందుకు మరో టెలోసార్ ను నిర్ధాక్షిణ్యంగా చంపేసింది. దీని పళ్లు చాలా పదునుగా ఉంటాయి. దీని నోట పడితే ఏ జీవికి అయినా ఆయువు మూడినట్టే.
వింత జీవులు...
     న్యూజిలాండ్, న్యూజెర్సీ లలో బయపడిన వింత జీవులు ఎంతో ఎవరికీ అర్థం కావడం లేదు. సముద్రతీరానికి కొట్టుకొస్తున్న వింత జీవులు ఎన్నో అనుమానాలను మిగులుస్తున్నాయి. ఇప్పుడు సముద్రజలాల్లో కోట్ల సంవత్సరాల నాటి భారీ జీవులు లేకపోవచ్చు. కానీ అందులో భారీ జీవులు.. కొన్ని వింతజీవులూ ఉన్నాయి. డైనోసార్లుగా అనుమానిస్తున్న కొన్ని జీవుల ఉనికిపై అధ్యయనాలు జరుగుతున్నాయి.
జలచరాలకు ముప్పు..
     పెరుగుతున్న గ్లోబల్ వార్మింగ్ సముద్రంలోని జీవులను అల్లకల్లోలం చేస్తోంది. ఇప్పటికే కొన్ని జీవులు సముద్రం నుంచి కనుమరుగైపోయాయి. మనిషి విడుదల చేస్తున్న విషవాయువుల కారణంగా చాలా జీవులు ఊపిరాడక ఉక్కిరిబిక్కిరై చనిపోతున్నాయి. అందుకే సాగర అంతర్భాగం నుంచి వింత జీవులు ఈ మధ్య కాలంలో ఎక్కువగా ఒడ్డుకు కొట్టుకొస్తున్నాయి.
    శాస్త్రవేత్తలు నిజానిజాల నిగ్గుతేలిస్తే సామాన్యుల మనస్సు కుదుటపడుతుంది. మనిషి కూడా తన స్వార్ధాన్ని పక్కనపెట్టి పర్యావరణాన్ని పరిరక్షిస్తే కొన్ని జీవుల మనుగడ ప్రశాంతంగా సాగిపోతుంది. ప్రకృతిలో సమతుల్యత ఏర్పడుతుంది.