కోర మీసాలపై కుర్ర సరదాలు

పాత సినిమాలు చూసినా, హిందీ కథనాయకుల్ని చూసినా వాళ్లకు మూతిపై మీసాలుండవు. అయితే నేటి కుర్రకారుకు మీసాలపై మోజు ఎక్కువైంది. అయితే అందరికీ
గుబురుమీసాల కావాలంటే కష్టమే కదా? బట్టతలపై జుట్టు మొలిపించగా లేందీ మీసాలు గుబురుగా మొలిపించడం ఈజీనే అనిపించింది కాబోలు. నేటి ప్రపంచీకరణలో అరువు అందాలకేం తక్కువ లేదు కదా! ఏదైనా సాధ్యమే. అయితే రాత్రికి రాత్రే మూతిపై మీసాలు మొలిపించాలనే ట్రెండ్‌ నేడు నడుస్తోంది. అదీ ఎలాంటి మీసకట్టు కావాలంటే అలా తమకు నచ్చిన, మెచ్చిన స్టైల్‌లో. ఈ ట్రెండ్‌ టర్కీలో మొదలై యూరప్‌ వరకూ కుర్రాళ్లని కుదిపేస్తోంది. ఇంకొన్ని రోజుల్లో మన కుర్రాళ్లనీ కదిలించినా ఆశ్చర్యం లేదు. కొన్నాళ్ల వరకూ టర్కీ కుర్రాళ్లకి మీసం లేకుండా క్లీన్‌ షేవ్‌ ఉండేది. ఎలా పుట్టిందోగానీ కోరమీసాలు, గుబురు మీసాలకు అనుకూలంగా ప్రచారం మొదలైంది. ఆ మోజులో కుర్రాళ్లంతా పీకల్లోతు కూరుకుపోయారు. ఇప్పుడు వరుసపెట్టి కాస్మోసర్జన్ల వెంట పరుగులు కూడా తీసేస్తున్నారు. రాత్రికి రాత్రే శస్త్రచికిత్సలు చేసే డిస్పెన్సరీలు (సెలూన్లలా) వెలిశాయి. అబ్బాయిలంతా తమకు తమకు నచ్చిన మీసం స్టైల్‌ ఫొటోలు పట్టుకుని సర్జన్ల ముందుకు పరుగున వచ్చేస్తున్నారు. వెర్రి వేయి రకాలన్నట్లు ఈ రకానికీ ఓ పేరూ పెట్టేశారు. అదేంటంటే 'మెడికల్‌ టూరిజం' అట! ఎంతైనా గ్లోబలిజంలో ఉన్నాం కదా! ఆ మాత్రం రిథం లేకపోతే ఎలా? పక్కనే ఉన్న యూరోప్‌ యువతకూ ఈ వెర్రి జబ్బు