భార్య సహకరించడం లేదు.. కోర్కెలు తగ్గిపోతున్నాయ్?

అనేక మంది పురుషులకు సెక్స్ కోర్కెలు ఎక్కువగా ఉంటాయి. ఆ కోర్కెలకు అనుగుణంగా వారు భార్యతో రతి కార్యక్రమంలో పాల్గొనాలని తహతహలాడుతుంటారు. అయితే, పడక గదిలో భార్య మాత్రం ఏమాత్రం సహకరించదు. ప్రతి రోజూ.................ఈ విధంగా ప్రవర్తించే భార్యలు లేకపోలేదు. దీంతో భర్తలకు వయస్సు మీదపడటంతో పాటు.. సెక్స్ కోర్కెలు కూడా తగ్గిపోతుంటాయి. ఒకవేళ పరాయి స్త్రీకి దగ్గరై అక్కడ తన శృంగార కోర్కెలను తీర్చుకోవాలని తపనపడినప్పటికీ.. ఆ సమయానికి అంగస్థంభనం సరిగా ఉండదు. దీంతో ఏం చేయాలో దిక్కుతోచని స్థితిలో కొట్టుమిట్టాడుతూ ఆత్మహత్యాయత్నాలకు కూడా పూనుకుంటుంటారు. అగ్నిసాక్షిగా పెళ్లి చేసుకున్న భార్య పడగ గదిలో మాత్రం ఎందుకు ఆ విధంగా ప్రవర్తిస్తుందో సెక్స్, మానసిక నిపుణులను సంప్రదిస్తే వారు కింది విధంగా ఆభిప్రాయపడుతున్నారు.

స్త్రీ పురుషులిద్దరిలో శృంగార సమస్యలు ఏర్పడడానికి శారీరక కారణాలు, వ్యాధులు లేనప్పుడు భాగస్వామి ప్రవర్తనే ప్రధాన కారణంగా నిలుస్తుందని, ఒకవేళ సెక్స్ సమస్యలు ఉన్నా వాటి పరిష్కారంలో భాగస్వామి సహకారం లేకున్నా అవి ఎక్కువవుతాయని చెపుతున్నారు. నిరంతరం ఘర్షణ పడే దంపతులు తీవ్ర మానసిక ఒత్తిడికి, అశాంతికి లోనైనపుడు మనసే కేంద్రంగా పనిచేసే సాధారణ శృంగార చక్రం కలిగించే రసాయన, నాడీ, హార్మోన్ స్పందనలు కుంటుపడతాయని చెపుతున్నారు.

దీనివల్ల మగవారికి అంగస్థంభన లోపం, శీఘ్రస్ఖలనం వంటి సమస్యలు ఉత్పన్నమవుతాయని, అలాగే, స్త్రీలలో వెజెనిస్మస్, ఫ్రిజిడిటీ వంటి సమస్యలు కలుగుతాయని, పురుషులలో ఆధిపత్య ధోరణులు స్త్రీలలో ఆత్మనూన్యత, డిప్రెషన్‌కు దారితీసి వారిలో శృంగారంపై ఆసక్తిని తగ్గించి వేస్తాయని పేర్కొంటున్నారు. వరకట్న వేధింపులు, ఇంట్లో అత్త, ఆడబిడ్డల అరళ్లు, చదువు - ఉద్యోగాలు కొనసాగించ లేకపోవడం, పిల్లల పెంపకం వంటివి స్త్రీలలో డిప్రెషన్‌ను కలిగిస్తాయంటున్నారు. భార్యాభర్తలు పరస్పరం అనుమానించుకోవడం కూడా ఈ పరిస్థితిని ఎక్కువ చేస్తుందంటున్నారు.

పురుషులలో భార్య సహకరించకపోవడం, తిరస్కారం వల్ల ఆత్మనూన్యతకు దారి తీసి పర్‌ఫ్మాన్స్ ఆంగ్జైటీతో శృంగార సమస్యలు తలెత్తుతాయని వైద్యులు అభిప్రాయపడుతున్నారు. ఈ కారణంగా పురుషులు ఆత్మహత్యలకు పాల్పడుతుంటారని సెక్స్ నిపుణులు, మానసిక వైద్యులు అభిప్రాయపడుతున్నారు.